Drejtuesi politik i PD për Tiranën, Belind Këlliçi ka publikuar pamje nga ceremonia e inaugurimit të presidentit të zgjedhur amerikan Donald Trump.
Këlliçi shprehet se ka qenë një kënaqësi e jashtëzakonshme që ka ndjekur ceremoninë e inaugurimit të Trump si president. Ai shprehet se ka qenë pjesë e mbrëmjes festive Liberty Ball. “Përmes ovacioneve USA! USA!, Presidenti Trump u shpreh i qartë dhe i prerë se dëshiron që trashëgimia e tij politike të jetë ajo e një Presidenti përbashkues dhe paqebërës në mbarë globin”, shkruan Këlliçi. Ai në fund shkruan “Zoti e bekoftë Amerikën”.
Postimi i Belind Këlliçit:
Kënaqësi e jashtëzakonshme të isha pjesë e mbrëmjes festive Liberty Ball, në të cilën Presidenti Trump, i shoqëruar nga Zonja e Parë Melania dhe fëmijët e tij, si dhe Zv. Presidenti JD Vance, i shoqëruar nga zonja e tij, Usha Vance, përshëndeti të ftuarit dhe riafirmoi premtimet e tij të dhëna gjatë fushatës elektorale.
Përmes ovacioneve USA! USA!, Presidenti Trump u shpreh i qartë dhe i prerë se dëshiron që trashëgimia e tij politike të jetë ajo e një Presidenti përbashkues dhe paqebërës në mbarë globin.
Zoti e bekoftë Amerikën 🇺🇸
