Prokuroria e Posaçme (SPAK) ka pranuar kërkesën e avokatëve të Sali Berishës, që ky i fundit të mos paraqitet në seancën e 3 shkurtit.
Shkak për këtë është bërë kërkesa e motivuar e kreut të Partisë Demokratike për një udhëtim në Gjermani.
Kërkesa është paraqitur ne seancën e fundit paraprake nga avokati i Berishës dhe sot është marrë miratimi nga ana e SPAK.
Kujtojmë që më 20 janar Sali Berisha shkoi për herë të dytë para SPAK, ku u paraqit në respekt të masës së sigurisë “detyrim për paraqitje”. Dhjetëra mbështetës ishin mbledhur para godinës së Prokurorisë në mbështetje të liderit të PD.
“Organizata kriminale e Skrapit të partisë, e angazhuar në luftë kundër pluralizmit dhe opozitës, e kryesuar nga Altin Lala, do të përfundojë, do të ketë atë fund që kanë pasur të gjitha veglat e diktaturës në çdo kohë”, tha Berisha pasi doli nga SPAK.
