Sekretari Zgjedhor i Partisë Socialiste, Damian Gjiknuri, foli sot në emisionin “Log” të gazetarit Endri Xhafo në News 24 për strategjinë e PS për zgjedhjet e 11 majit si edhe për sistemin e drejtësisë në vend.
Gjiknuri tha se PS dominon jetën politike, sepse vepron gjithmonë me plan dhe strategji pra është gjithmonë e përgatitur.
Socialisti tha se fakti që sistemi i drejtësisë po funksionon sot është diçka pozitive për vendin tonë.
Sipas tij është normale që shumica e politikanëve të goditur nga drejtësia të jenë socialistë, pasi PS ka dominancë politike si në pushtetin vendor dhe në atë qendror.
Damian Gjiknuri: E rëndësishme është që ti të kesh plan dhe objektiv dhe të jesh i përgatitur për çdo gjë. PS e dominion jetën politike, ka dominancë absolute.
Partia socialiste e dominon pushtetin, edhe pushtetin vendor edhe atë qendror. Me efikasitetin e sistemit të drejtësisë tashmë normale që pjesa e skandaleve goditëse do jenë në pjesën që janë në pushtet.
PS ka shumicën e bashkive në vend ka edhe 12 vjet në qeverisje, kjo është normale. Unë nuk them se çdo gjë është vaj. Ka gjëra për tu ri parë. Në çdo lloj gare patjetër që PS ri sheh edhe ekipet.
