Me një mesazh ngushëllimi, ipeshkëv i kryedioqezës së Tiranë-Durrësit, imzot Arjan Dodaj, ka shprehur respektin dhe mirënjohjen për Arqipeshkvin Metropolit Anastas Janullatos, i cili ka ndërruar jetë.
“Pushofsh në paqe i dashur Arqipeshkvi Metropolit Anastas! Gëzo për amshim jetën e pasosur në Zotin tonë Jezus Krishti, së bashku me Nënën e shenjtë Theotokos dhe me shenjtorët dhe engjëjt!” shkruan Imzot Dodaj në njoftimin e tij.
Ai ka theksuar kontributin e rëndësishëm të Metropolit Anastas për vellazërinë dhe unitetin e të krishterëve, si dhe angazhimin e tij të palodhur për dialogun ndërfetar.
“Faleminderit për vëllazërinë në unitetin e të krishterëve dhe dialogun ndërfetar”, shtoi ai.
Ky mesazh i ngushëllimit dhe nderimit ka ardhur si një kujtim i thellë për veprën dhe ndikimin e Metropolit Anastas në jetën fetare dhe shoqërore.
