Tre punonjës të policisë kufitare në Pogradec janë pezulluar nga detyra pasi mbi ta rëndojnë disa akuza.
Agjencia e Mbikëqyrjes Policore ka zbatuar urdhrin e Prokurorisë për ekzekutimin e vendimit të Gjykatës së Shkallës së Parë Korçë, e cila ka caktuar masën e sigurisë “Pezullimi i ushtrimit të një detyre ose funksioni publik”, ndaj 3 punonjësve të policisë, të dyshuar për kryerjen e veprave penale “Falsifikim i dokumentave” dhe “Shpërdorimi i detyrës”.
Të pezulluar janë përkatësisht një nënkomisar dhe dy inspektorë në Shërbimin e Stacionit të Policisë Kufitare Pogradec.
Vendimi i gjykatës, erdhi mbi bazën e materialeve të referuara pas dyshimeve të arsyeshme se këta punonjës policie, edhe pse kanë konstatuar më datë 28.12.2024 dy shtetas. duke kryer peshkim të ndaluar në liqenin e Ohrit dhe kanë favorizuar aktivitetin e kundraligjshëm të këtyre shtetasve, me dyshime përfitimi.
