Një akt vandalizmi është regjistruar pasditen e sotme në Kishën “Ngjallja e Krishtit” në Ksamil.
Sipas përfaqësuesit të këtij objekti kulti, At Pandeli, ngjarja ka ndodhur kur kujdestari i kishës është drejtuar për të mbyllur dyert dhe ka hasur në dy persona të dyshimtë.
Njëri prej tyre ndodhej brenda kishës dhe po dëmtonte ikonat dhe objektet e tjera të kultit, ndërsa tjetri ruante jashtë.
Pamje nga vendi i ngjarjes
Kur ata kanë vënë re praninë e kujdestarit, janë larguar me shpejtësi, duke e kërcënuar atë.
Pas incidentit, kujdestari ka njoftuar policinë, e cila ka ndërhyrë menjëherë dhe ka arrestuar dy personat e dyshuar pranë një stacioni autobusash.
Pamje nga vendi i ngjarjes
Sipas burimeve, ata po merren në pyetje për të zbardhur rrethanat dhe motivet e këtij akti vandalizmi.
