Nga “Qytetit Studenti”, kryeministri Edi Rama ofroi mbështetjen e qeverisë për vijimin e projekteve të Bashkisë së Tiranës.
Sikurse edhe një mbështetje të drejtpërdrejtë për kryebashkiaun Erion Veliaj, i vendosur nën lupën e hetimeve të SPAK.
Nga ky qytet ku shpërtheu revolta antikomuniste në Dhjetor 1990, Edi Rama foli për ata të cilët i vuri epitetin shejtanët si bashkudhëtar të historisë tonë shtet-formuese.
Mbështetjen publike për kryebashkiakun Veliaj, i vendosur nën sulmet e opozitës për shkak të hetimeve nga SPAK, kryeministri e dha gjatë inaugurimit të dy godinave të tjera të rinovuara për strehimin e studentëve, investime të bashkisë Tiranë bashkë me fondet e qeverisë gjermane.
“Investimet posaçërisht në shkolla, çerdhe e konvikte”, tha kryebashkiaku Erion Veliaj “nuk ndalen”. Pati një lajm të mirë për ato familje të cilat i kanë fëmijët në shkollat 9 vjeçare.
