Policia ka vënë në pranga 44-vjeçarin Florenc Prroi, i cili ditën e djeshme duke drejtuar mjetin në gjendje të dehur përplasi një këmbësor 56 vjeç.
Këmbësori i aksidentuar aktualisht është në kujdesin e mjekëve në Spitalin e Traumës.
Pas aksidentit 44-vjeçari u largua nga vendi i ngjarjes.
Në pranga po ashtu ka rënë dhe Arben Beka 55 vjeç, pasagjer në mjetin e drejtuar nga Florenc Prroi, duke qenë se nuk kallëzoi krimin.
Njoftimi:
Pasditen e djeshme, me automjetin që drejtonte i dehur, përplasi 1 këmbësor dhe 1 mjet bujqësor të parkuar, dhe u largua nga vendngjarja, identifikohet dhe kapet 44-vjeçari.
Në pranga dhe një 55-vjeçar që ishte pasagjer në automjet, në momentin e aksidentit, dhe nuk e kallëzoi rastin.
Gjendet dhe sekuestrohet automjeti i 44-vjeçarit, i përfshirë në aksident.
Si rezultat i hetimeve dhe veprimeve policore, të kryera menjëherë pas aksidentit rrugor të ndodhur pasditën e djeshme, në fshatin Tregan, specialistët e qarkullimit rrugor identifikuan, lokalizuan dhe arrestuan drejtuesin e automjetit që shkaktoi aksidentin, shtetasin Florenc Prroi,, 44 vjeç.
Nga veprimet e deritanishme dyshohet se me automjetin që drejtonte në gjendje të dehur, 44-vjeçari ka përplasur këmbësorin, shtetasin F. K., 56 vjeç, dhe 1 mjet bujqësor të parkuar, dhe më pas është larguar nga vendi i aksidentit. 56-vjeçari aktualisht është në kujdesin e mjekëve, në Spitalin e Traumës.
Në vijim të këtyre veprimeve, u vu në pranga, për moskallëzim të krimit, shtetasi Arben Beka, 55 vjeç, pasagjer në automjetin e 44-vjeçarit, në momentin e aksidentit.
Materialet procedurale iu referuan Prokurorisë së Elbasanit, për veprime të mëtejshme.
