Pjesëmarrje në organizatë kriminale dhe trafik droge/ Në kërkim ndërkombëtar, arrestohet 60-vjeçari në Vlorë, pritet ekstradimi drejt Italisë

Shqipëria

Pjesëmarrje në organizatë kriminale dhe trafik droge/ Në kërkim ndërkombëtar, arrestohet 60-vjeçari në Vlorë, pritet ekstradimi drejt Italisë

Më: 10 shkurt 2025 Në ora: 08:48
Foto ilustrim

Një 60-vjeçar ka përfunduar në prangat e policisë së Vlorës, pasi ishte shpallur në kërkim nga shteti italian.

Blutë njoftojnë se Gjykata e Apelit Torino, Itali, me vendimin e datës 20.03.2018, e ka dënuar me 11 vjet e 6 muaj burgim për veprën penale “Organizatë kriminale në trafikimin e lëndëve narkotike”.

Vijon puna për ekstradimin e tij drejt Italisë.

Njoftimi: 

Si rezultat i aksioneve intensive të Policisë, të kryera me qëllim kapjen e shtetasve të shpallur në kërkim, si dhe në bazë të informacioneve të siguruara nga inteligjenca policore dhe të shkëmbyera ndërmjet zyrave homologe të Interpolit, mbi vendndodhjen e një shtetasi të shpallur në kërkim ndërkombëtar, për llogari të Italisë,
Seksioni për Hetimin e Narkotikëve në bashkëpunim me Forcën e Posaçme Operacionale në DVP Vlorë, organizuan dhe finalizuan operacionin policor të koduar “Epilogo”.

Gjatë operacionit, u kap në lagjen “10 Korriku” dhe u arrestua provizorisht, për t’u ekstraduar në Itali, shtetasi i shpallur në kërkim ndërkombëtar:

Fredi Arshi alias Alfred Arshiaj, 60 vjeç, banues në Vlorë.

Ky shtetas ishte shpallur në kërkim ndërkombëtar, pasi Gjykata e Apelit Torino, Itali, me vendimin e datës 20.03.2018, e ka dënuar me 11 vjet e 6 muaj burgim për veprën penale “Organizatë kriminale në trafikimin e lëndëve narkotike”, sipas Kodit Penal Italian.

Interpol Tirana dhe Interpol Roma po bashkëpunojnë për të kryer ekstradimin e këtij shtetasi.

comment Për komente lëvizni më poshtë
Sot mund të lexoni Shfletoni kopertinat