Biznesmeni Gentjan Sula ka ankimuar në GJKKO sekuestron e një apartamenti pranë Gardës në Tiranë, i cili u sekuestrua në kuadër të hetimeve për ish kryebashkiakun Jorgo Goro.
Seanca e cila pritej të zhvillohej mëngjesin e kësaj të hëne, u shty për shkak të mungesës së prokurorit Ols Dado.
Sula i cili pak javë më parë u mor në pyetje nga Prokuroria e Posaccme Antikorrupsion pretendon se apartamenti që u vendos në sekuestro me vendim gjykate, është i tij dhe jo i ish kryebashkiakut, teksa mbrojtja e tij ligjore thotë se ia kishte lënë Goros në përdorim për shkak të miqësisë që kane pasur me njëri tjetrin.
Kjo është hera e parë që biznesmeni i drejtohet gjykatës me këtë kërkesë.
Hetimet për çështjen e dytë të Jorgo Goros u mbyllën pak ditë më parë, teksa SPAK ka bërë kërkesë për kalimin e dosjes për gjykim.
Ndërsa për ccështjen e parë, ku Goro u kallëzua nga ish kryebashkiaku tjetër i Himarës Jorgo Goro, procesi është në fazën e leximit të konkluzioneve nga ana e prokurorisë.
Këtë të hënë, në orën 13.00 pritet që SPAK të japë pretencën për Goron, Vezir Gjikokën dhe Jerasimo Basho. Për Bilbil Aliajn, GJKKO vendosi ndarjen e çështjes, pasi ai kërkoi gjykim të zakonshëm.
