Bashkëshortja e kryebashkiakut të Tiranës, Erion Veliaj, Ajola Xoxa është kthyer nga Roma në Tiranë, ndërsa po shoqërohet nga Policia drejt shtëpisë së saj në “Kodra e Diellit”.
SPAK ka caktuar ndaj saj masën e sigurisë “arrest shtëpie” për veprat penale korrupsion, fshehje pasurie dhe pastrim parash.
“Vjen nga Roma në Aeroportin e Rinasit, ku sipas informacioneve që kemi në të ndodhet dhe Ajola Xoxa, bashkëshortja e Erion Veliajt. Pritet që agjentët e BKH dhe Policia t’i njoftojnë masën e sigurisë atë të arrestit në shtëpi të caktuar nga gjykata. Nuk është bërë fillimisht ekzekutimit i kësaj mase për shkak të udhëtimit të saj në Romë. Pritet t’i komunikohet masa dhe më pas pritet të udhëtojë drejt shtëpisë së saj në “Kodrën e Diellit”, raportoi ai.
Kryetari i Bashkisë së Tiranës Erion Veliaj u arrestua të hënën me urdhër të Prokurorisë së Posaçme për akuzat e korrupsionit dhe pastrimit të parave.
Veliaj u shoqërua nga punonjës të policisë së shtetit dhe agjentë të Byrosë Kombëtare të Hetimit, nga Bashkia e Tiranës në drejtim të policisë, ku do të qëndrojë i izoluar derisa të dalë përballë gjykatës ku do të njihet me masën e sigurisë qe iu caktua në mungesë.
