Një 18-vjeçar është arrestuar në Mat, i cili dyshohet se plagosi me thikë një të mitur.
Ngjarja ndodhi mesditën e të enjtes në ambientin sportiv të shkollës së mesme në fshatin Baz pas një konflikti çasti.
18-vjeçari, banues në Laç, akuzohet për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.
Sipas euronews.al, 17-vjeçari i plagosur u transportua me helikopterë drejt Traumës ditën e djeshme. Ai vijon të jetë në kujdesin e mjekëve, dhe sipas informacioneve të ardhura nga policia është jashtë rrezikut për jetën.
