Përfaqësues të Partisë së Lirinë kanë zhvilluar një takim me shqiptarët në Milano.
Në një mesazh të tijin, kryetari i PL-së, Ilir Meta i cili mbahet i burgosur politikisht, është shprehur se, shqiptarët kanë mundësinë e tyre historike për të ndëshkuar atë që i ka larguar nga Shqipëri.
Reagimi i kreut të PL, Ilir Meta:
Takim i mrekullueshëm i Partisë së Lirisë me diasporën në Milano. Me përfaqësuesit e komunitetit të dashur të shqiptarëve në Milano, drejtuesit e Partisë së Lirisë, prezantuan sot 5 Prioritetet tona madhore për 4 milion shqiptarë plus dhe në veçanti Programin tonë të shkëlqyer për përfshirjen dhe pjesëmarrjen më aktive të diasporës në proceset vendimmarrëse në Shqipëri!
U bëj thirrje të gjithë njerëzve tanë në diasporë të regjistrohen sa më parë, se 11 Maji është mundësia e tyre historike për të ndëshkuar me votë atë që i largoi qëllimisht, që i la prindërit e tyre me pensione mjerane, që u zhvlerëson çdo ditë edhe remitancat që dërgoni për prindërit me 50% të vlerës së tyre.
Çdo votë e juaja është votë për rotacionin, për ndryshimin dhe për shpëtimin e shumëpritur të Shqipërisë nga Narkoshteti që dëboi në emigrim mbi 1 milion shqiptarë!
Diaspora jonë e hershme dhe e re është krenari dhe pasuri e çmuar kombëtare, prioritet i Partisë së Lirisë!
