Këshilli i Ministrave ka marrë një vendim për lirimin dhe emërimin e prefektit të Qarkut të Elbasanit.
Në mbledhjen e Këshillit të Ministrave u vendos që Ali Mysliu, që ka mbajtur këtë detyrë, të lirohet nga pozita e prefektit.
Në vend të tij, ish-zv/ministri i Energjisë dhe Industrisë, Ilir Bejtja është emëruar si prefekt i Qarkut të Elbasanit.
Së fundmi Bejtja është paraqitur në Prokurorinë e Posaçme SPAK dy herë, ndërsa arsyet mbeten ende të pazbardhura.
Ky vendim hyn në fuqi menjëherë dhe do të publikohet në “Fletoren Zyrtare”.
Njoftimi i plotë:
VENDIM PËR LIRIMIN DHE EMËRIMIN NË DETYRË TË PREFEKTIT TË QARKUT TË ELBASANIT
Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, të ndryshuar, me propozimin e ministrit të Brendshëm, Këshilli i Ministrave
VENDOSI:
1. Z. Ali Mysliu, prefekt i Qarkut të Elbasanit, lirohet nga kjo detyrë.
2. Z. Ilir Bejtja emërohet prefekt i Qarkut të Elbasanit.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
BELINDA BALLUKU
