Shërbimet e Policisë Rrugore në Krujë kanë arrestuar një 53-vjeçar, pasi e kanë konstatuar duke drejtuar automjetin në gjendje të dehur dhe duke bërë manovra të gabuara në rrugë.
Gjatë kontrolleve rutinë për kontrollin e sigurisë rrugore në Fushë Krujë, policia i ka bërë shenjë për ndalim drejtuesit të një automjeti që po kryente manovra të rrezikshme.
Pas verifikimit të dokumentacionit dhe një testi alkoolik, u vërtetua se drejtuesi i automjetit, shtetasi B. B., kishte një nivel alkooli në gjak prej 2.12 mg/l, që është mbi kufirin e lejuar.
Shtetasi B. B., banues në Fushë Krujë, u arrestua në flagrancë për shkeljen e veprës penale “Drejtimi i automjetit në mënyrë të parregullt.”
