Primaret e PD, procesi përmes të cilit do zgjidhen kandidatët e opozitës për zgjedhjet e 11 majit, kanë nxitur jo pak debate brenda kampit blu. Deputetja demokrate, Jorida Tabaku u shprehet në studion e News24 me Ola Brukon, se nëse kjo garë do të jetë e ndershme dhe nuk e përçan partinë, i bën mirë PD-së.
Jorida Tabaku: Në mbledhjen e Këshillit Kombëtar, Kryesisë, kam thënë të njëjtën fjali, nëse gara është e shëndetshme dhe nuk krijon përçarje i bën mirë PD-së. Jam pjesë e listës së primareve dhe duke kontaktuar ccdo ditë anëtarët, strukturat e partisë dhe më duhet edhe mua në fakt për veten time por edhe për kontaktin e vazhdueshëm që kam me struktura. Nuk e shoh si moment përccarje, por si një fazë që duhet të kalojë për të kaluar te gara me kundërshtarin.
Ola Bruko: Nuk është humbje kohe që të dilni të kërkoni t’ju votojnë strukturat, në një kohë kur mund të dilni të takoni njerëzit që t’ju votojnë për në Kuvend…
Jorida Tabaku: Faza e parë e fushatës së PD është diaspora. Së dyti është programi i PD që po lanccohet. Të dielën u prezantua programi i ekonomisë dhe kjo është për zgjedhjet. Dhe pjesa e tretë është shkundja për PD-në, një rigjallërim, pa e paragjykuar, unë kam besim te demokratët, dinë të ngrihen në këmbë në momente të vështira. Ky proces do të kalojë dhe do të shërbejë që të jemi më gati përballë kundërshtarit.
