Tre vajza të reja në Elbasan dhe Gjirokastër kanë denoncuar në polici rastet kur i janë hapur llogari të rreme në rrjetet sociale në adresë të tyre.
Sipas asaj që raporton policia e Elbasanit në Seksionin për Hetimin e Krimeve Kibernetike, kanë mbërritur rastet e:
-R. M., 21 vjeçe, se i kanë hapur llogari në rrjete sociale, me të dhënat e saj;
-B. M., 42 vjeçe, se kanë hapur llogari në rrjete sociale, me të dhënat e vajzës së saj, 16 vjeçe.
Strukturat e specializuara të Policisë së Elbasanit po punojnë për të përcaktuar autorësitë e 2 rasteve.
Gjithashtu, një situatë e njëjtë është spikatur dhe në Gjirokastër, teksa në njoftim shkruhej se një shtetase 19 vjeçe është paraqitur në Drejtorinë e Policisë, e cila ka kallëzuar se në rrjetin social “Tik Tok” është hapur një llogari me emrin e saj, në të cilën janë publikuar foto dhe tekste fyese. Po punohet për identifikimin dhe kapjen e autorit/ëve.
