Gjykata e Durrësit urdhëroi lirimin e shumicës prej të arrestuarve për shpërndarje narkotikësh pranë shkollave në Kavajë.
Pas një seance të gjatë gjyqësore, e zhvilluar pa praninë e mediave, Gjykata e Durrësit e vleftësoi të paligjshëm arrestimin e 12 nga 13 personat e ndaluar gjatë operacionit policor “Winter”, i cili synonte goditjen e shpërndarësve të drogës pranë shkollave në Kavajë. Operacioni, i zhvilluar të dielën, u konsiderua nga policia si një nga aksionet më të mëdha në këtë qytet.
Gjyqtarja Suela Xhani vendosi masat shtrënguese për të arrestuarit, duke lënë në paraburgim vetëm 4 prej tyre, shtetasit Arben Xhihani, Kujtim Veizi, Serxho Abazi dhe Renaldo Gjondeda. Një tjetër i ndaluar u la në arrest shtëpie, ndërsa për 7 të tjerë u vendos masa e detyrimit për t’u paraqitur në policinë gjyqësore dhe ndalimi i daljes jashtë shtetit. Për një person tjetër gjykata caktoi vetëm detyrimin për paraqitje në policinë gjyqësore.
Ndërsa operacioni çoi në ndalimin e 13 personave nga 14 urdhër-arrestet e lëshuara, gjykata vlerësoi se për shumicën prej tyre mungonin kushtet ligjore për arrest, duke vendosur masa më të lehta sigurie.
