Komisioni i Organizimit dhe Kontrollit të Operacioneve Elektorale në PD (KOKOE) ka publikuar rezultatet e procesit të Primareve për 11 Qarqe, rezultate të cilat do të kenë një peshë të rëndësishme në zgjedhjen e kandidatëve për deputet për zgjedhjet e 11 Majit.
I vetmi Qark që mungon është Vlora, pasi ashtu siç u konfirmua më herët edhe nga KOKOE, një prej qëndrave të votimit në këtë qark ka rezultuar me problematika.
Gjitashtu, edhe për Qarkun e Tiranës rezultati është pa qendrat e votimit në Vorë dhe në Paskuqan, të cilat janë shpallur të pavlefshme, për shkak të problematikave.
Në secilin prej Qarqeve, KOKOE ka vendosur edhe kuotën minimale, për të cilat emrat e kandidatëve do të shkojnë në Kryesi, ndërsa ata që kanë marrë më pak vota se sa kuota minimale do të përjashtohen automatikisht.
Demokratët pretendojnë se në procesin e Primareve kanë votuar në total 50,854 anëtarë të Partisë Demokratike.
