Në Shqipëri temperaturat kanë rënë deri në minus 3 gradë Celsius dhe ka pasur reshje bore në disa pjesë.
Bora ka mbuluar fshatrat turistike të Dardhës, Voskopojës dhe Vithkuqit, ndërsa në majat e Bigllës, trashësia ka arritur deri në 5 centimetra.
Mirëpo, bëhet e ditur se rrugët në këto pjesë të Shqipërisë janë të papastruara nga bora.
Euronews.al raporton se burime nga autoritetet rrugore, kanë thënë se kjo situatë ka ardhur si pasojë e mungesës së kontratave të reja me firmat e mirëmbajtjes.
Pavarësisht kësaj, Policia e Shqipërisë ka apeluar për kujdes të shtuar, duke u kërkuar drejtuesve të mjeteve të jenë të pajisur me goma dimërore, për të shmangur incidentet e mundshme.
