Është zbardhur marrëveshja e koalicionit e firmosur nga Partia Demokratike dhe Partia e Lirisë për zgjedhjet e 11 Majit.
Bëhet me dije se Sali Berisha dhe Ilir Meta kanë dakordësuar 4 mandate të sigurta në listën e PD.
Mësohet se Ilir Meta pritet të jetë kandidat për deputet në Tiranë, ndërkohë që një vend i sigurt për PL-në pritet t’i jepet dhe Tedi Blushit po në kryeqytet. Ata pritet të renditen në listat e mbyllura të PD.
Pjesë e paktit të arritur është dhe një vend i sigurt në listat e PD në Qarkun e Elbasanit. Në listat e këtij qytetit një emër i lakuar është ai i ish ministrit Edmond Haxhinasto.
Po ashtu Partia e Lirisë do të marrë dhe një mandat të sigurt në Fier. Në këtë qark një emër i pranuar nga PD është ai i Erisa Xhixhos.
Mësohet se në listat e PD në 12 qarqe mund te ketë dhe kandidatët te tjerët të Partisë së Lirisë që mund të garojnë në listë të hapur në mënyrë që fitojnë sa me shumë vota preferenciale.
