Parlamenti ka nisur me një minutë heshtje për ndarjen nga jeta në moshën 54-vjeçare të ish-deputetit socialist, Andis Harasani.
“Të nderuar deputetë, dje është ndarë nga jeta ish-deputeti i Kuvendit të Shqipërisë, Andis Harasani.
Andisi ka qenë një parlamentar aktiv dhe i përkushtuar dhe u zgjodh deputetë i Kuvendit në dy legjistratura, në vitin 2005 dhe 2009. Duke i shprehur ngushëllime familjarëve dhe të afërmve dhe në nderim të kontributit të tij për vendin, ju ftoj të mbajmë një minutë heshtje. U prehtë në paqe”, tha kryetarja e Kuvendit Elisa Spiropali.
Harasani ka humbur jetën ditën e djeshme (09 mars) si pasojë e një sëmundje të rëndë, prej së cilës kishte 2 vjet që vuante.
