Polaku Kamil Stoch, për herë të tretë është fitues i turneut “Katër kërcimoret”. Skiatori polak shënoi fitore bindëse në kërcimoren e fundit Bis’Shofen.
Ai shënoi kërcime prej 139 metra në serinë e parë dhe 140 metra në serinë e dytë, duke siguruar 300.7 pikë, ose 20.3 pikë më shumë Marius Lindvik në vendin e dytë nga Norvegjia (137 m dhe 140.5 m).
Në vendin e tretë u ndal gjermani Karl Geiger.
Stoch ishte në vendin e parë në renditjen e përgjithshme të turneut “Katër kërcimoret” dhe para garës në Bis’Shofen, ndërsa me këtë fitore vetëm e zgjeroi epërsinë në renditjen e përgjithshme.
Për polakun Stoch është triumfi i tretë në turneun tradicional, pas vitit 2017 dhe 2018. Kujtojmë se polaku tre vite më parë shënoi fitore në katër kërcimoret.
