Skiatorja sllovake, Petra Vlhova, regjistron fitoren e dytë me radhë në disiplinën e sllallomit, që u mbajt në Qendrën e Skive në Levi të Finlandës.
Vlhova sërish e la pas amerikanen Mikaela Shiffrin. Sllovakja triumfoi me kohë të kaluar për 1:45,22 minuta apo për 47 qindtat ishte më e shpejt se Shiffrin.
Në podium arriti edhe skiatorja gjermane, Lena Dürr.
Ajo ka kohën më të dobët për 78 qindtat se fituesja e garës apo për 19 qindtat më të mirë se zviceranja Wendy Holdener.
Tri skiatore austriake, me emrin Katharina renditen në Top 10-sh, si Katharina Liensberger, Katharina Truppe e Katharina Huber (Austria).
Renditja
1. Petra Vlhova (Sllovakia) 1:45,22
2. Mikaela Shiffrin (SHBA) +0.47
3. Lena Dürr (Gjermania) +0.78
4. Wendy Holdener (Zvicra) +0.97
5. Michelle Gisin (Zvicra) +1.24
6. Martina Dubovska (Çekia) +1.40
7. Ana Bucik (Sllovenia) +1.46
8. Katharina Liensberger (Austria) +1.64
9. Katharina Truppe (Austria) +1.66
10. Katharina Huber (Austria) +1.77
