Marco Odermatt ka treguar klasin e tij në Qendrën e Skive në Adelboden të Zvicrës.
Odermatt ngadhënjeu me kohë të kaluar 2:27,55 minuta, me kohën më të mirë prë 20 qindtat se bashkëkombësi i tij Loïc Meillard.
Odermatt fitoi për herë të katërt radhazi sllallomin e madh.
“Triumf historik! Odermatt barazon rekordin e Chuenisbärgli! Për herë të katërt radhazi,
Odermatt fiton sllallomin e madh. Deri më tani këtë e ka arritur vetëm legjenda suedeze Ingemar Stenmark (1979 - 1982).
Odermatt gjithashtu i bashkohet Marcel Hirscher në listën e fituesve të Adelbodenit, i cili gjithashtu fitoi katër herë. Vetëm Stenmark është para të dyve me pesë fitore”, ka shkruar mediumi zviceran “Blick”.
Luca De Aliprandini i Italisë doli në vend të tretë por me kohë më të dobët për 69 qindtat se fituesi i garës.
Në renditjen e përgjithshme, Odermatt kryeson me 730 pikë, pasojnë Kristoffersen 574, Meillard 474 pikë etj.
Në sllallom të madh Odermatt udhëheq me 300 pikë, pasojnë Kristoffersen 199, Steen Olsen 189 pikë etj.
Renditja
1. Marco Odermatt (Zvicra) 2:27,55
2. Loïc Meillard (Zvicra) +0,20
3. Luca De Aliprandini (Italia) +0,69
4. Thomas Tumler (Zvicra) +1.14
5. Filip Zubçiç (Kroacia) +1.46
6. Timon Haugan (Norvegjia) +1.73
7. Luca Aerni (Zvicra) +1.86
8. Joan Verdu Sanchez (Andorra) +2.12
9. Marco Schwarz (Austria) +2.13
10. River Radamus (SHBA) +2.38
