Skiatoret e Austrisë dominuan duke zënë dy vendet e para në disiplinën e sllallomit që u mbajt në Are të Suedisë.
Austriakja Katharina Truppe zuri vendin e parë me kohë të kaluar për 1:42.08 minuta.
Truppe shënoi fitore të ngushtë, me 5 qindtat e sekondës ishte më e shpejt se bashkëkombësja e saj Katharina Liensberger.
Skiatorja e Shteteve të Bashkuara të Amerikës, Mikaela Shiffrin, ka përfunduar në pozitën e tretë me kohë më të dobët për 19 qindtat se Truppe.
Në renditjen e përgjithshme të Kupës së Botës Brignone kryeson me 1294 pikë, e ndjekur nga Gut-Behrami me 972 e Ljutiq 790.
Në sllallom Ljutiç udhëheq me 515 pikë, pasojnë Rast me 474 e Liensberger 464.
Renditja
1. Katharina Truppe (Austria) 1:42.08
2. Katharina Liensberger (Austria) +0.05
3. Mikaela Shiffrin (SHBA) +0.19
4. Anna Swenn-Larsson (Suedia) +0.22
5. Wendy Holdener (Zvicra) +0.61
6. Paula Moltzan (SHBA) +0.70
7. Lena Dürr (Gjermania) +0.79
8. Andreja Slokar (Sllovenia) +0.81
8. Marta Rossetti (Italia) +0.81
10. Zrinka Ljutiq (Kroacia) +0.98
