Sportisti i Shekullit Aziz Salihu, ish boksieri i mirënjohur, fitues i medaljes së bronztë olimpike në vitin 1984 në Los Anxhelos të Shteteve të Bashkuara të Amerikë, kësaj radhe u tregua më diplomat apo më politikan!
Edhe ‘Zizi’ po e luan rolin e një politikani perëndimor kur flet për kandidatët që nesër garojnë për t’u bërë president të Komitetit Olimpik të Kosovës, në garë janë presidenti aktual Besim Hasani, kundërkandidat Linda Shala dhe Ismet Krasniqi.
Cili është i preferuari i Aziz Salihut?
“Them se është zor me parashikuar fituesin. Ismet Krasniqi dhe Besim Hasani janë si të barabartë në garë, janë shumë afër që njëri – tjetrin ta mposhtin!
Edhe Linda është e mirë, por Ismeti dhe Besimi janë në garë të ngushtë”, tha Salihu. Cilin kandidat do ta kishit votuar ju për president të ardhshëm, Hasanin, Shalën apo Krasniqin? “Mos më ngushto, ta shohim nesër”, përgjigjet Salihu.
Ai më tej ka kritika të ashpra për Komitetin Olimpik të Kosovës.
“Gjynah që unë nuk jam kandidat. Tre herë pjesëmarrës në Lojërat Olimpike, është marre që kurrë nuk më ofruan një post të nënkryetarit të KOK-ut. Me kanë ftuar si mysafir i Kuvendit Zgjedhor , si sportist i shekullit.
Është marre për Komitetin Olimpik të Kosovës, gjithë janë mbajtur për emrin tim dhe kurrë asgjë nuk më ofruan, ndërsa unë jam themelues. Po pres qeveria tjetër që vije të më ofrojë një post”, thotë Salihu.
Nesër në orën 15.00 në hotelin ‘Emerald’ në Prishtinë, mbahet kuvendi Zgjedhor i Komitetit Olimpik të Kosovës.
