Gremja është prej fshatrave më të mëdha të Komunës së Ferizajt dhe së shpejti do të ketë edhe palestrën e vet sportive.
Ky është lajmi më i mirë për mijëra banorët e këtij fshati, sigurisht se do të themelojnë edhe klubet sportive, si basketboll, hendboll dhe volejboll.
Kryetari i Komunës së Ferizajt, Agim Aliu, ka publikuar disa foto. “Qendra Sportive dhe e Panaireve është tashmë në fazën e fundit të punimeve.
Gremja meriton këtë investim milionësh, duke qenë motor i zhvillimit rural dhe ekonomisë ferizajase. I gjithë qyteti i Ferizajt dhe fshatrat janë shndërruar në kantier pune, për ta bërë me vepra të rëndësisë publike, Ferizajn”, ka shkruar Aliu në profilin e tij në facebook.
