Djaloshi nga Kosova, anëtar i Kombëtares së Shqipërisë, Orgesi Arifi ndalet në xhiron e tretë të turneut kualifikues i cili është duke u zhvilluar ne Paris.
Karateisti Arifi luftojë deri në pikën e fundit por kësaj radhe nuk i ka pri edhe fati sportiv.
“Një gabim në 5 sekondat e fundit me kroatin Borak Boran kur ishte ne prag te fitores ia shuan shanset që të merr pjesë në Lojërat Olimpike.
Ai në luftën e parë ishte më i mirë se dominikasi Ferreras Deivis (1:0) në luftën e dytë ndaj rumunit Gogolosi Bogdan (2:0).
Ndërsa në luftën e tretë ishte duke udhëhequr me një pikë por nga pakujdesia u befasua nga kroati i cili është ndër sportistët elitar botëror në kategorinë deri 67 kg.
Orgesi për herë të parë mori pjesë ne kategorinë deri në 67 kg”, ka shkruar Fadil Arifi, ish kryetar i FKK-së dhe kryetar i KK Ippon nga Prishtina.
