Karateistët e Kosovës po tregojnë suksese në Kampionatin Ballkanik, pas Fortesa Oranës e cila u stolis me medalje të bronztë, sot Elhami Shabani fitoi të argjendtën dhe Herolind Nishevci të bronztën.
E veçantë është triumfi i Nishevcit në luftë për medalje të bronztë, duke e gjunjëzuar Luka Vukoviq nga Serbia.
“Të gjitha luftëra kanë qenë të mira dhe të rëndësishme.
Lufta me serbin ka qenë për medalje, ka qenë luftë shumë e fortë e fokusuar dhe në fund ja dola”, Nishevci për gazetën kombëtare “Bota sot”.
Kampionati Ballkanik po mbahet në Poreç të Kroacisë.
