Atleti nga Kenia, Eliud Kipçoge dhe notarja kanadeze Megie MekNalej janë përzgjedhur si atletet më të mirë në Lojërat Olimpike Verore në Tokio, që u zhvilluan këtë verë.
Vendim është marrë nga drejtuesit e Komiteteve Olimpike Kombëtare (ANOC) në një takim në Greqi.
Kipçoge fitoi bindshëm Maratonën e Tokios, duke mbrojtur titullin e tij në Lojërat e Rio de Zhaneiros. Nga ana tjetër, notarja kanadeze fitoi medaljen e artë në 100 metra delfin, ishte e dyta në stafetën 4×100 metra, stil i lirë dhe i treta në stafetën 4×100 metra, stil i përzier.
Skuadra më e mirë e femrave në Lojërat e Tokios është skuadra e ragbit të Zelandës së Re, ndërsa çmimi për ekipin më të mirë të meshkujve shkoi për ekipin japonez të bejsbollit.
