Askush nuk është kundër themelimit të federatave sportive, por të ekzistojnë disa federata fiktive, pa ndonjë aktivitet garues apo me vetëm një ose dy gara vjetore, është çmenduri.
Kosova ka një numër rekord të federatave sportive, kalon shifrën 50 (51)!
Në Komitetin e Olimpik të Kosovës, në periudhën 2017-2020, në kohën kur ishte president Besim Hasani, pjesë e saj kanë qenë edhe treshja e famshme siç njihen në opinionin sportivë, Gazmend Maxhuni, Milaim Kelmendi dhe Avni Nuha.
Kjo treshe tani është edhe në qeverisjen e Ismet Krasniqit.
Gazmend Maxhuni sot është nënpresident i parë i KOK-ut, Milaim Kelmendi - nënpresident i dytë i KOK-ut dhe Avni Nuha - anëtar i Bordit Ekzekutiv të KOK-ut.
Për dallim nga Kelmendi dhe Nuha, Maxhuni ka qenë në ekzekutiv edhe në periudhën 2013-2016!
As Maxhuni, as Kelmendi, as Nuha nuk mund të heshtin përballë kësaj situate, tregoni opinionit si u pranuan gjithë ato federata sportive nga Komiteti Olimpik i Kosovës! Pse u pranuan disa nga federatat sportive?
A keni kundërshtuar, a e keni ngritur zërin se ka federata fiktive apo vetëm për ndonjë votë?
A po vetëm keni hesht?
Votat që i morët, nuk i keni marrë vetëm për të qenë figurë në bordin e KOK-ut, por edhe për të luftuar të keqen, për të luftuar federatat fiktive.
Maxhuni, Kelmendi dhe Nuha, dikur ishin krahë i djathtë i Hasanit, pastaj u shndërruan në "kundërshtarë" të tij dhe u rreshtuan nga Ismet Krasniqi.
Kosova “rrush” me Federata sportive! 48 federata sportive ekzistojnë qysh në kohën e Besim Hasanit, kur ka qenë president i Komitetit Olimpik të Kosovës. Këtë e di Besim Hasani, se vet ka qenë në krye të KOK-ut!
Tani është numri mbi 50-t, shumë federata u themeluan, a për vota apo për çka? Le të tregon Besim Hasani! Ismet Krasniqi me bordin KOK-ut e ka tani për detyrë t'i pastrojë listat!
Le të thotë Besim Hasani publikisht, se në kohën e tij nuk kanë ekzistuar 48 federata! Le ta thotë, se Besim Hasani ka qenë president 25 vite, dy dekada e gjysmë!
Kosova nuk ka buxhet që të shpenzojë për disa federata fiktive! Kjo nuk mund t’i faturohet Ismet Krasniqi. Faturimi i vetëm për Krasniqin, se KOK-u duhet t’i luftojë çdo federatë që është fiktive!
FEDERATAT OLIMPIKE ME 3 vota
1. Federata e Atletikës e Kosovës
2. Federata e Badmitonit e Kosovës
3. Federata e Basketbollit e Kosovës
4. Federata e Boksit e Kosovës
5. Federata e Çiklizmit e Kosovës
6. Federata e Futbollit e Kosovës
7. Federata e Golfit e Kosovës
8. Federata e Gjimnastikës e Kosovës
9. Federata e Hwendbollit e Kosovës
10. Federata e Kajakimit e Kosovës
11. Federata e Kërlingut e Kosovës
12. Federata e Lundrimit e Kosovës
13. Federata e Mundjes e Kosovës
14. Federata e Notit e Kosovës
15. Federata e Peshëngritjes e Kosovës
16. Federata e Pingpongut e Kosovës
17. Federata e Ragbit e Kosovës
18. Federata e Skitare e Kosovës
19. Federata e Shenjëtarisë e Kosovës
20. Federata e Shigjetarisë e Kosovës
21. Federata e Taekwondos e Kosovës
22. Federata e Tenisit e Kosovës
23. Federata e Triathlonit e Kosovës
24. Federata e Volejbollit e Kosovës
25. Federata e Xhudos e Kosovës
26. Komisioni i Sportisteve
FEDERATAT ME DY VOTA
27. Federata Aeronautike e Kosovës
28. Federata e Autosporteve e Kosovës
29. Federata e Bjeshkatarëve dhe Aplinistëve e Kosovës
30. Federata e Boulingut e Kosovës
31. Federata e Shahut e Kosovës
32. Federata e Karatesë e Kosovës
33. Federata e Kick-Box-it e Kosovës
34. Federata e Bilardos e Kosovës
35. Federata e Motoçiklizmit e Kosovës
36. Federata e Moauythai e Kosovës
FEDERATAT ME VETËM NJË VOTË
37. Federata e Bodybuildingut dhe e Fitnesit e Kosovës
38. Federata e Minigolfit e Kosovës
39. Federata Sportive e Punëtorëve e Kosovës
40. Federata e Sporti Shkollor e Kosovës
41. Federata e Sporteve Universitare të Kosovës
42. Federata e Arteve Marciale të Kosovës
43. Federata e Parkuerit e Kosovës
44. Federata e Sportit e Kosovës
45. Federata e PIkados e Kosovës
FEDERATA TJERA
46. Federata e Skermes e Kosovës
47. Federata e Tekbollit e Kosovës
48. Federata e Bejsbollit dhe e Softbollit e Kosovës
49. Federata e Pentatllonit Modern e Kosovës
50. Federata e Padelit e Kosovës
51. Federata Mundje Krahu e Kosovës
