Presidenti i KOK-ut, Ismet Krasniqi, ka pritur drejtuesit e Federatës së Shahut të Kosovës, kryetarin Armend Budima dhe sekretarin e përgjithshëm, Burhan Misini.
Të dyja palët kanë biseduar për thellimin e bashkëpunimit në çështje të ndryshme, për çka presidenti Krasniqi i ofroi gatishmërinë e KOK-ut për të mbështetur edhe më tutje zhvillimin e shahut në Kosovë.
Budima e përgëzoi për zyret e reja të KOK-ut.
Ai e falënderoi edhe për bashkëpunimin e deritashëm, me besimin se ky bashkëpunim do të thellohet edhe më shumë gjatë këtij viti dhe viteve në vijim.
