(E plotësuar) - Karateisti Alvin Karaqi është kampion në kategorinë – 84 kilogramë në Lojërat Evropiane, që po mbahen në Krakow të Polonisë.
Karaqi me mjeshtëri ngadhënjeu në finale ndaj holandezit Brian Timmermans
Karaqi është fitues i medaljes së artë.
Një luftë e madhe e Karaqit në finale, duke dëgjuan me vëmendje këshillat e trajnerit Fehmi Mahalla, ka shkruar historinë e sportit shqiptar.
Djaloshi nga Kosova, Alvin Karaqi (-84 kg), në mënyrën më brilante po e përfaqëson Shqipërinë në Lojërat Evropiane, që po mbahen në Krakow të Polonisë.
Karateisti kuqezi është kualifikuar në finalen e madhe.
Një është e sigurt, medaljen e argjendtë e ka të garantuar por e kërkon të artën.
Karaqi fitoi ndaj italianit Michele Martina me rezultat 3:2.
Në finale, Karaqi do të përballet me holandezin Brian Timmermans.
Trajneri i tij Fehmi Mahalla, shprehet i ngazëllyer me ecurinë e Karaqit, duke thënë se ai po tregon cilësitë e tija ndaj çdo kundërshtari.
