Karateistja e kombëtares së Kosovës, Alma Loki, anëtare e klubit Kastriotit të Ferizajt, ka shënues sukses të madh duke fituar medaljen e artë në Kampionatin Ballkanik në kata.
Kryetari i komunës së Ferizajt, Agim Aliu, ka uruar Almën për suksesin e madh,
“Karateistja ferizajase Alma Loki - Kampione e Ballkanit.
Në Kampionatin Ballkanik të mbajtur në Podgoricë, duke mposhtur bindshëm garuesen nga Serbia në finale, karateistja ferizajase, Alma Loki triumfoi meritëplote, ku fitoi Medaljen e Artë në disiplinën e katave/seniore, duke u shpallur Kampione Ballkanike dhe duke i sjellë Kosovë për herë të parë medaljen ndërkombëtare të karatesë në disiplinën kata.
Krenarë me Almën, me sukseset e saj kulminante sportive.
Urime Alma!
Urime Klubit të Karatesë "Kastrioti" në Ferizaj!
Urime Ferizaj!
Urime Kosovë!”, ka uruar Aliu.
