Phryges (Frixh) është ndoshta gjetja më e bukur e olimpiadës “Paris 2024”. Ai që e krijoi ka marrë bekimet e të gjithëve. Maskoti në ngjyrat kuq e blu, është më kërkuari nga të gjithë turistët që vizitojnë kryeqytetin francez. Madje kryeson listën e shitjeve të objekteve dhe simboleve të olimpiadës.
Një tifoze në tribunat e Grand-Palais, e ka vënë maskotin në kokë, si një kapuç:
"Maskota është kaq e bukur, ndaj doja ta kisha si kapuç në kokën time" – tha ajo. "Unë kam veshur një fanellë me maskotën olimpike, është një ilustrim i mirë i Lojërave Olimpike" – thotë një tjetër. Një vajzë e vogël me një fustan të bardhë tregon:
"Më pëlqen Frixh". Ndërkohë që dyqani zyrtar i Lojërave Olimpike Paris-2024 në Champs-Elysées, vizitohet çdo ditë nga më shumë 10,000 njerëz.
Maskoti Frixh është prodhuar në të gjitha madhësitë. Në çanta shpine, në varëse çelësash, në bluza, kapele ej. Organizatorët e olimpiadës Paris 2024, kishin vlerësuar se do të shisnim rreth një milion maskota në Francë gjatë Lojërave Olimpike dhe duket se këtë objektiv do ta arrijnë.
