Lumi i Senës ishte sot arena ku notarët e distancave zhvilluan garën e 10 km në not.
Kjo garë u fitua nga hungarezi Kristof Rasovszky, i cili mori të artën e parë për shtetin e tij në këtë disiplinë me kohën 1:50:52.7.
Por kjo nuk ishte hera e parë për notarin në fjalë që të merrte medalje në këtë garë pasi mori të argjendtë në “Tokio 2020”.
Sa i përket garës së sotme në vendin e dytë përfundoi notaari gjerman Oliver Klemet (1:50:54.8) ndërsa në vendin e tretë mbylli garën një tjetër hungarez, David Bethlehem (1:51:09.0).
