Pas fitores së Valiev, mundësi tjetër që përfaqëson Shqipërinë në Lojërat Olimpike “Paris 2024”, Islam Dudaev triumfoi ndaj japonezit që përfaqëson Ishujt Samoa, Gaku Akazawa në ndeshjen hapëse.
Sfida e vlefshme për kategorinë deri në 65kg, përfundoi 10-0 për Dudaev, duke fituar në më pak se dy minuta.
Në këtë mënyrë, mundësi i natyralizuar si shqiptar, kalon në fazën tjetë, që është ajo çerekfinale.
Mundësit që përfaqëson Shqipërinë, Dudaev i duhen edhe dy fitore të tjera, për të fituar një medalje. Ndërsa kundërshtari i radhës për mundësin tonë do të jetë iraniani, Rahman Amouzad.
