Sportisti më i mirë shqiptar i të gjitha kohërave, Shaban Tërstena, ish mundësi i mirënjohur, është i revoltuar shumë kur ka dëgjuar një të Shqipërisë, në një analizë në njërën nga televizionet shqiptare, duke thënë se Driton Kuka është shkollë e ish Jugosllavisë dhe serbe.
Tërstena ka thënë se duhet mi ardhur turp atij që ka deklaruar në lidhjen me trajnerin më të mirë shqiptar, për trajnerin e xhudos Driton Kuka.
Kampioni olimpik në vitin 1984 dhe nënkampioni olimpik në vitin 1988, Tërstena, në një emision “Nistori” ka kritikuar ashpër.
“A ka turp më të madh për Shqipërinë?
Del një i Shqipërisë, një ekspert, edhe thotë se krejt suksesi i Toni Kukajt është prodhim serb dhe jugosllav! A është normal ai njeri?
A ka gjak shqiptari ai njeri? Çka ka lidhje Toni Kuka që e lidhin me prodhim të Serbisë dhe Jugosllavisë.
Ai është puro gjak i pastër, është shqiptar, me disiplinë dhe sakrificën e tij ka arritur ato pesë medalje olimpike. Unë jam prodhues shqiptar dhe maqedon.
Del ai idi*ti, ai grekofili, çoja selamin drejtpërdrejt atij grekofilit në Shqipëri, që thotë prodhues serb e jugosllav, a është normal ai... Vetëm ata e bëjnë. Që nuk ka lidhje kjo. Për 12 vite Toni Kuka ka dridhur botën dhe del e thotë ai nuk është prodhues.
Bota është krenuar me ne shqiptarët, edhe pse i kanë ndërruar emrat disa sportistë, fenë dhe kombin, tash bëhen krenarë me rusë. Ju krenoheni me rusë!”, ka thënë Tërstena.
Ai tha se për 12 vite Driton Kuka ka bërë mrekulli në botë.
“Për 12 vite i ka pru 5 medalje olimpike, nuk janë medalje të lagjes, por olimpike:
Tre të arta, një të argjendtë e një të bronztë, përveç medaljes olimpike edhe 40 medalje botërore e evropiane, unë i kam 20 për 20 vite.
Ata për 12 vite 40 medalje.
Kjo është krenari, ai është legjendë. Nuk është hero pa asnjë fitore apo i parafundit”, tha mes të tjera Tërstena.
