Musli Rexha, pjesëtar i Policisë së Kosovës, prej vitit 1991 merret edhe me sportin e karatesë.
Në emisionin “ABC e Mëngjesit”, Rexha tha se karateja i ka shërbyer në profesionin e tij.
Ndërsa për 3 vajzat, u shpreh se karatenë e nisën si pasion dhe po iu kthehet në profesion.
“Unë me sportin e karatesë, merrem që nga 1991. Në 1995 jam diplomuar. Prej vitit 2003, jam edhe pjesëtar i Policisë së Kosovës. E duan këtë sport, jam krenar me to. Gruaja më ndihmon shumë. Pom karateja më ka ndihmuar gjithmonë në punën e policisë. Kam qenë i përgatitur, më ka ndihmuar në raste të caktuara. Kam klubin e karatesë Mitrovica, jemi rreth 50 nxënësa. Kemi një kloub shumë të mirë, kemi medalje në vend, ndërkombëtare, ballkanike”, theksoi ai.
