Derbi i xhiros së 10-të të kampionatit kolumbian mes Atletico Nacional dhe Atletico Junior është ndërprerë në minutën e 55-të pas kaosit në tribunat e stadiumit në Medellin.
Atletico kryesoi 2:0 dhe pas golit të dytë, tifozët mysafirë filluan të sulmojnë shikuesit dhe lojtarët.
Në pamjet që qarkullojnë në X shihet se si një lojtar vendas goditet me thikë, por për fat shpëton. Pas kësaj, tifozët e Nacional u vërsulën drejt tifozëve mysafirë dhe më pas pati një trazirë të madhe.
Tifozët sulmuan dhe i hodhën thika njëri-tjetrit. Tifozët e Nacional hodhën disa tifozë të Junior në tribunën e poshtme dhe disa prej tyre, duke u larguar nga kundërshtarët, u hodhën vetë në tribunën e poshtme, ku më pas tifozët vendas do t'i rrihnin.
Së shpejti, dhjetëra tifozë dolën në fushë dhe disa nga tifozët mysafirë duhej të shpëtoheshin nga rrahjet brutale nga lojtarët e tyre. Një video tregon dy lojtarë që largojnë një nga tifozët e tyre nga një turmë huliganësh të zemëruar, të cilët po e rrihnin në tokë.
Sipas informacioneve të fundit janë plagosur 21 persona, shumica me plagë nga thikat.
