Me takimet e xhirosë së 7-të/të fundit/ të xhvilluara të dielën më 29 dhjetor kanë përfunduar garat e Kampionatit individual të Kosovës në shah për femra 2024, organizuar nga Federata e Shahut e Kosovës.
Garat u zhvilluan në Sallën e shahut të Pallatit të Rinisë dhe Sportit në Prishtinë dhe u luajt sipas sistemit zvicëran me 7 xhiro. Pjesëmarrëse ishin 20 shahiste nga klubet e Kosovës.
Xhiroja e fundit ishte përcaktuese sa i përket luftës për titullin e kampiones.
Në tabelën e parë u përballën Jona Reçica e ekipit Dardania të Prishtinës dhe Rinesa Saraçi që i mbron ngjyrat e ekipit të Rahovecit.
Pas katër orë të një loje të ashpër takimi u mbyll me fitoren e Jona Reçicës e cila tuboi me 6 pikë me 6 fitore dhe me të vetmen disfatë nga Nita Saraçi. Është ky titulli i parë i Kosovës për Jona Reçicën.
Në tabelën e dytë luajtën dy anëtaret e Prizrenit, Nita Saraçi dhe Vjosa Curri Simitçi. Fitore shënoi Vjosa Curri Simitçi.
Në takimet e tjera veçojmë fitoren e Ndriçona Saraçit të Prizrenit kundër bashkëlojtares, Binera Karadolamit. Siç është pritur, Arlinda Aliu, kampionja e dritashme mundi Unika Berishën si dhe Dua Rexhepi fitoi ndaj Erisa Elshanit.
Shahistja më e re në këtë kampionat ishte përfaqësuesja e Prizrenit, Hena Simitçi- 8 vjeçe dhe tuboi 2 pikë.
Renditja:
1.Jona Reçica 6 pikë
2.Ndriqona Saraçi 5
3.Rineda Saraçi 5
4.Vjosa Curri Simitçi 5
5.Nita Saraçi 4,5
6.Arlinda Aliu 4,5
Etj.
Gjyqtar: Albert Zenuni.
Në fund për shahistet më të dalluara të këtij kampionati u ndanë kupa, medalje, diploma si dhe shpërblimi me të holla të cilat i ndanë, Armend Budima, kryetar i Federatës së Shahut të Kosovës dhe Albert Zenuni, përzgjedhës i Kosovës i Kosovës për grup moshat e reja.
Ky kampionat u mbajt në kuadër të Festivalit të Shahut 2024.
Ky festival do të vazhdoj nga 4-12 janar 2025 me garat e Kampionatit individual të Kosovës për meshkuj.
Kampionja, Jona Reçica dhe nën kampionja, Ndriqona Saraçi do ta përfaqësojnë Kosovën në Kampionatin Evropian 2025 më 15 mars 2025 në Rodos të Greqisë.
