Kampioni olimpik në vitin 1984 dhe nënkampioni olimpik në vitin 1988, legjenda e mundjes Shaban Tërstena, fitues i 19 medaljeve të nivelit më të lartë botëror, sot ka kremtuar 60 vjetorin e lindjes së tij.
Tërstena, sportisti më i mirë shqiptar i të gjitha kohërave, ka disa fjalë për 60 vjetorin e lindjes së tij.
“Kjo është fotoja e parë për këtë vit, e realizuar më 01.01.2025.
Me këtë rast, dua t’ju falënderoj nga zemra për të gjitha urimet tuaja,me rastin e ditëlindjes sime për 60 vjetorin.
Është një kënaqësi e madhe për mua që ju kam miq dhe kolegë në çdo cep të botës.Zoti na dhëntë të gjithëve të jemi të shëndetshëm, të lumtur dhe të gëzuar, të kemi vetëm gjëra të bukura dhe energji pozitive për ju dhe familjet tuaja”, ka shkruar Tërstena në profilin e tij në facebook.
