Ka ndërruar jetë trajneri i njohur Ali Pllana. Pllana ishte për shumë vjet kryetar i Federatës së Shenjëtarisë Sportive të Kosovës, themelues i këtij sporti, ish-shenjëtar dhe trajner.
Në cilësinë e trajneri ai ishte pjesëmarrës edhe në debutimin e Kosovës në Lojërat Olimpike Rio 2016 dhe në Lojërat Evropiane Baku 2015.
Me këtë rast familjes së tij ngushëllime i ka shprehur Presidenti i Komitetit Olimpik të Kosovës, Ismet Krasniqi.
E nderuara familja, Pllana
Me dhimbje të thellë morëm lajmin për ndarjen nga jeta të kontribuuesit të madh të sportit, Ali Pllana.
Pllana ishte për shumë vjet kryetar i Federatës së Shenjëtarisë Sportive të Kosovës, themelues i këtij sporti, ish-shenjëtar dhe trajner.
Kontributi i tij i palodhshëm dhe përkushtimi ndaj zhvillimit të shenjëtarisë sportive do të mbeten një trashëgimi e çmuar për brezat e ardhshëm.
Ai ishte pjesëmarrës në cilësinë e trajnerit edhe në debutimin e Kosovës në Lojërat Olimpike Rio 2016 dhe në Lojërat Evropiane Baku 2015.
Në emër timin personal, Bordit Ekzekutiv të KOK-ut dhe lëvizjes olimpike në Kosovë, i shpreh ngushëllimet më të thella familjes Pllana, Federatës së Shenjëtarisë Sportive të Kosovës, miqve dhe dashamirësve të sportit.
