Klubi i Mundjes Shkupi ka arritur një sukses të madh në një turne të fortë ndërkombëtar të mbajtur në Rumani, ku morën pjesë ekipe nga Bullgaria, Rumania, Moldavia dhe vetë përfaqësuesit e Shkupit, të cilët treguan paraqitje fantastike.
Në këtë turne, mundësit shqiptarë siguruan dy medalje të arta, tre të argjendta dhe një medalje bronzi, ndërsa klubi u rendit në vendin e tretë si ekip, duke përfaqësuar denjësisht Maqedoninë e Veriut.
Rezultatet e mundësve të Shkupit:
Medalje të arta:
• Ilhan Murtezi (65 kg, U17) – Një talent i jashtëzakonshëm, vetëm 14 vjeç, që garoi dhe triumfoi në një grupmoshë më të madhe.
• Miraxh Mustafa (52 kg) – Një tjetër kampion që konfirmoi vlerën e tij dhe u dëshmua si një nga transferimet më të rëndësishme të këtij viti për klubin.
Medalje të argjendta:
• Anuar Xhemaili (32 kg)
• Jusuf Zaimi (28 kg)
• Bamir Sejfullau (30 kg)
Medalje bronzi:
• Abdulaziz Azizi – Shfaqi një paraqitje të fortë, por u detyrua të kënaqet me vendin e tretë.
Sukses ekipor dhe falënderime për mbështetësit
Përveç suksesit individual, Klubi i Mundjes Shkupi u rendit në vendin e tretë si ekip, një dëshmi se ky klub është në rrugën e duhur për të arritur majat e mundjes.
KM Shkupi kishte një falënderim i veçantë për sponsorët Homax dhe Momo Rent a Car, të cilët kanë kontribuar në realizimin e këtij suksesi dhe mbështesin vazhdimisht zhvillimin e mundësve të rinj.
