Numri i nxënësve të cilve janë regjistruar në klasën e parë është ulur në krahasim me vitin e kaluar. Këtë vit janë regjistruar rreth 50 më pak se vitin e kaluar, tregojnë të dhënat e Komunës së Strugës.
Sipas informacioneve nga zyra e shtypit e komunës, numri i nxënësve të klasës së parë ka shënuar rënie të vazhdueshme në vitet e kaluara, kështu që në vitin 2020/2021 janë regjistruar 590, ndërsa vitin pasues janë regjistruar 548 nxënës të klasës së parë, ndërsa këtë vit janë regjistruar 496 nxënës të klasës së parë për vitin shkollor 2023/24.
“Numri i nxënësve të klasës së parë në fillim të vitit shkollor mund të ndryshojë”, njoftojnë për AIM nga zyra e shtypit komunal, duke theksuar se të gjitha shkollat fillore dhe rajonale në territorin e komunës së Strugës janë gati për fillimin e vitit shkollor.
Arsyet e rënies së numrit, siç theksojnë nga Komuna e Strugës, janë emigrimi, ulja e natalitetit etj.
