Netflix duket se ka rënë në të gjithë Mbretërinë e Bashkuar dhe në disa vende tjera të botës, duke lënë mijëra klientë që paguajnë pa qasje në përmbajtje.
Shumica e ankesave kanë të bëjnë me pamundësinë për t’u lidhur me faqen në internet dhe transmetimin e tyre janë të padisponueshme.
Netflix njoftoi muajin e kaluar kostoja e një pakoje standarde do të rritet nga 8.99 funte (10.40 euro) në 9.99 funte (11.50 euro) në muaj, shkruan DailyMail.
Një llogari premium tani do të kushtojë 11,99 funte (13.80 euro) deri në 13,99 funte (16.80 euro), por plani i saj bazë mbetet në 5,99 funte (6.90 euro).
Sipas faqes së ndjekësit të ndërprerjeve DownDetector kishte më shumë se 1,600 ankesa në rrjetet sociale që nga ora 10:39 e mëngjesit (ora lokale në MB).
Pothuajse gjysma (44 për qind) e çështjeve të raportuara kanë të bëjnë me ‘çkyqje’ ndërsa një në tre persona që kanë problem përmendin çështjen kryesore që është në faqen e internetit të Netflix.
Klientët shkuan në rrjetet sociale për të folur në lidhje me këtë çështje, me disa që deklaruan se po shohin kodin e gabimit NSES-500.
“Nëse ju shfaqet ky kod, kjo zakonisht do të thotë që informacioni i ruajtur në shfletuesin tuaj duhet të rifreskohet. Ndiqni hapat më poshtë për të rregulluar problemin”, thotë Netflix në faqen e saj të internetit.
Këshillon njerëzit që të rifreskojnë faqen dhe të provojnë përsëri Netflixin.
Sidoqoftë, përdoruesit thonë se kjo nuk po funksionon dhe ata janë akoma të paaftë për të hyrë në bibliotekën e gjerë të gjigantit të transmetimit të filmave.
Shkaku i ndërprerjes mbetet i panjohur dhe DailyMail i është drejtuar Netflixit për koment.
Klientët e pakënaqur u lajmëruan në rrjetet sociale, për të paraqitur problemet e tyre.
