Kolektivi i hakerëve Anonymous i shpalli “luftë kibernetike” qeverisë së Vladimir Putinit, pasi ky i fundit ndërmori një pushtim të plotë të Ukrainës.
Ekspertët e pakapshëm kompjuterikë lëshuan njoftimin në Twitter, raporton Daily mail.
Ata thanë se ishin zyrtarisht në luftë kibernetike kundër qeverisë ruse.
Menjëherë më pas ata zbuluan se kishin shënjestruar RT-në e mbështetur nga Kremlini.
Ekspertët e pakapshëm kompjuterikë lëshuan njoftimin e ashpër në llogarinë e tyre në Twitter të enjten në mbrëmje.
Ata thanë pak para orës 22:00: “Kolektivi Anonymous është zyrtarisht në luftë kibernetike kundër qeverisë ruse”.
Rreth 30 minuta më vonë, ata njoftuan se kishin hequr faqen e internetit të kanalit televiziv RT të mbështetur nga Kremlini, i cili transmeton në Britani dhe është kritikuar ashpër për mbulimin e tij.
Kur MailOnline u përpoq të hynte në sajt këtë mëngjes, ai ishte ende i paarritshëm dhe shfaqte vetëm një mesazh gabimi që thoshte “kjo faqe nuk mund të arrihet”.
Ndërkaq, sot rreth orës 16:00, grupi i hakerëve Anonymous ka njoftuar në rrjetin social në Twitter se webfaqja e Ministrisë ruse të Mbrojtjes është jashtë funksionit, pas sulmeve.
Po ashtu, sipas Anonymous janë sulmuar edhe të gjitha faqet e ministrive të tjera ruse.
