Përdoruesit e Facebook në të gjithë botën po përjetojnë një mosfunksionim të madh në gjigantin e mediave sociale.
Kryefaqet (feed) e përdoruesve janë përmbytur me postime në faqet që ata ndjekin të bëra nga njerëz krejtësisht të panjohur. Njerëzit po i drejtohen Twitter-it për të provuar dhe kuptuar se çfarë ka ndodhur me llogarinë e tyre në Facebook dhe për të parë nëse janë hakuar apo jo.
Përdoruesit në mbarë botën po e shfrytëzojnë në maksimum mosfunksionimin, disa njerëz postojnë meme duke e sqaruar situatën, ndërsa të tjerë po e përdorin defektin për t'u përpjekur të promovojnë kanalet e tyre në YouTube ose në mediat e tjera sociale.
Të tjerë po e përdorin defektin si një mundësi për mbledhjen e fondeve – një përdorues ka raportuar se ka parë dikë që ndan të dhënat e tij Paypal për të marrë donacione për macen e tij të sëmurë.
Disa përdorues po raportojnë se feed-i i tyre duket se po kthehet ngadalë në normalitet, me postimet e rastësishme që vijnë nga faqet, grupet ose njerëzit që ata ndjekin.
Facebook deri më tani nuk ka dhënë një deklaratë.
