Në maj, Google prezantoi një veçori me Al të quajtur “Ask Photos”.
Gjatë prezantimit të funksionit, Geminit iu kërkua të identifikonte numrin e targës së përdoruesit.
Për të marrë përgjigjen, Gemini kaloi nëpër fotografitë e personit për të gjetur një foto të veturës së tij me targa të lexueshme lehtësisht.
Bëhet e ditur se me “Ask Photos”, mund të përdorni Geminin për të organizuar më mirë fotot tuaja, shkruajnë mediat e huaja.
Për shembull, mund ta përdorni për të shfaqur fotografi që detajojnë ecurinë e mësimeve të tenisit të fëmijës suaj, ose mund të bëni një udhëtim dhe të pyesni Geminin se çfarë organizimi keni pasur për festat e ditëlindjes së fëmijës suaj.
Ju madje mund të zbuloni se si e keni dekoruar tortën e ditëlindjes çdo vit.
Nëse përgjigja mund të jetë në një fotografi që keni ruajtur në aplikacionin Photos, Ask Photos do ta gjejë atë.
